هدية لصديقاتى فى توقيع الولاد

سبلى له .

اسرحى كتير كلميه عن القمر و حاجات من دى .قوليله شايف القمر يا عتريس

لازم تكونى هيمانه و انتى بتتكلمى . و يكون صوتك واطى .. وشوشة .

كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..

مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..

دى بتغير منك و مش عايزاكى تبقى على الموضه .

ملحوظه ]لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .

فهميه ان في ناس كتير معجبين بيكى

و قولى له : ارجوك اوعى تغير انا حواليا كتير .

ولا بيهمنى أبدا منهم ايه يعنى اكون حلوة فى عينهم .

ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .

كل شويه كلميه فى التليفون بأى حجة

. قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه . روحى له الشغل

قوليله انت مالك وقتى وتفكيرى مش عارفه اعمل حاجه الا انى افكر فيك

مليت على ايامى شغلت لى الزمن