Admin
المدير العام
عدد الرسائل : 588
العمر : 35
البلد : مصر(طنطا)
الاهتمام : الكومبيوتر -القراءة
المزاج : ماشى الحال
تاريخ التسجيل : 30/08/2007
معلومات الحظ
الرقم المفضل: 7
اللون المفضل: الازرق
اليوم المفضل: الخميس
 | موضوع: اصحاب المنتديات لما بيروحوا يخطبوا  2007-09-03, 13:45 | |
| دا واحد صاحب منتدى حب واحده وراح يخطبها ودا كان الحوار فى بيت العروسه بين الشخص وابو العروسه
- منور يا ابنى
- ده نورك يا عمى
- اشرب النعناع اللى انت عاوزه
- ميرسى
- كنت عاوزنى فى ايه باه؟
- يا عمى انا يسعدنى ويشرفنى انى اتقدم واطلب ايد بنتك لولو
- والله يا وائل يبنى ده انا اتشرف بس انا معرفش حاجه عنك
- ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى
- يعنى اسال عليك فى الاماكن دى؟
- طبعا وانا معروف جدا هناك ودى data مبتكذبش اسال بس عن الجنرال
- مين؟
- الجنرال........ انا.... ده مفيش حد على النت ميعرفنيش
- طب يبنى شغلتك ايه؟
- يا عمى انا web designerوWeb Support
- ايوه يعنى بتشتغل ايه؟
- بصمم مواقع على الانترنت
- والله كويس جدا كمبيوتر يعنى
- تقدر تقول كده
- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟
- اصلى مش مهندس اصلا انا في سنة 3 كمبيوتر سينس ومشلتش ولا مادة
- الله .............طب ما علينا بتشتغل فين؟
- على الكمبيوتر بتاعى
- ايوه يعنى فى شركة ايه؟
- لا تبع نفسى
- وماله الشغل الحر مفيش احسن منه طيب شركتك فين ولا فاتح محل؟
- لا فى البيت عندى عادى
- طيب بتقبض كام؟
- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته
- طب اخر موقع اخدت فيه كام؟
- لا اخر موقع ده كان لواحد صاحبى عملتهوله مجامله
- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟
- اه طبعا عندى
- ايوه .......... عندك ايه؟
- منتدى يا عمى
- ده ايه ده بأه ان شاء الله؟
- ده برده على النت بس عندى فيه دلوقتى 8000 عضو يا عمى
- ما شاء الله طب والعضو بيدفع كام عضويه فى السنه بأه؟
- لا مش بيدفعوا ده انا اللى نفسى ادى الناس فلوس عشان تشترك
- لا حول ولا قوة الا بالله طب ليه يبنى الغرامه دى وعامله ليه؟
- منا هكسب من الاعلانات يا عمى انت مش معايا ولا ايه؟
- حلو اوى المنتدى بتاعك ده يشيل كام اعلان؟
- ممكن لحد عشرين
- طب وبعت الواحد بكام؟
- لا لسه محدش اعلن عندى لسه
- طب يبنى عايش منين ولا بتصرف منين ولا حتى هتعيش بنتى منين؟
- منين ايه بس يا عمى ده انا معايا فيزا محدش فى المنصورة عاملها
- يبنى فيزا ايه بس بقولك هتجيب فلوس منين؟
- من شغلتى والمواقع اللى انا بعملها
- وهى فين دى؟
- منا مديلك لسته بيها هنستعبط؟
- لا يبنى انا مجوزش بنتى لواحد شغلته فى الهوا كده
- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس......
- وله
- نعم
- انت عارف لو غمضت عينى وفتحتها ولقيتك قدامى هعمل فيك ايه؟
- ايه؟
- امشى اخرج بره
"فوووووووووووو" صوت الجري
- ادى يا ست لولو جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده وهتتجوزى الواد حسن النجار اهو واد كسيب واحنا عارفين دكانه فين وبيكسب كام وعايش منين..........عيال نصابه
واتمنى تكون عجبتكوا نور | |
|
مصـــــ*اصيل*ــــراوى
مراقب
عدد الرسائل : 205
العمر : 36
البلد : مصر(طنطا)
الاهتمام : مش عارف
المزاج : زفت كالعاده
تاريخ التسجيل : 03/09/2007
معلومات الحظ
الرقم المفضل: 2 و 4
اللون المفضل: الاحمر
اليوم المفضل: الخميس
| | موضوع: رد: اصحاب المنتديات لما بيروحوا يخطبوا 2007-09-05, 03:40 | |
| ادى اخرتك يا عم هو انت عمرك هتخطب ولا هتتجوز
ههههههههههه
م/وسام | |
|
sendrella
عضو نشيط
عدد الرسائل : 165
العمر : 35
تاريخ التسجيل : 31/08/2007
معلومات الحظ
الرقم المفضل:
اللون المفضل:
اليوم المفضل:
| | موضوع: رد: اصحاب المنتديات لما بيروحوا يخطبوا 2007-09-07, 19:21 | |
| هههههههههههههه نــــــور بيقولنا عمل اية ساعة الخطوبة ههههههههههه بجد بجد انا لو منك اسيب النت خالص هههههههههههههه تجنن يا نــــــــــــور ســـــــــــــنــــــــــدريـــــــــــلا | |
|
Admin
المدير العام
عدد الرسائل : 588
العمر : 35
البلد : مصر(طنطا)
الاهتمام : الكومبيوتر -القراءة
المزاج : ماشى الحال
تاريخ التسجيل : 30/08/2007
معلومات الحظ
الرقم المفضل: 7
اللون المفضل: الازرق
اليوم المفضل: الخميس
| | موضوع: رد: اصحاب المنتديات لما بيروحوا يخطبوا 2007-09-08, 16:50 | |
| شكراوسام وسندريلا على المرور والردود الحلوة الى منورة الموضوع
انا ممكن اسيب اى حاجه فى حياتى الا انى اسيب النت
النت دا خلاص بقى ادمان حاجه بتجرى فى دمى
شكرا للمرور مرة تانيه
نور | |
|
ma7moud
مراقب
عدد الرسائل : 88
العمر : 34
تاريخ التسجيل : 01/09/2007
معلومات الحظ
الرقم المفضل:
اللون المفضل:
اليوم المفضل:
| | موضوع: رد: اصحاب المنتديات لما بيروحوا يخطبوا 2007-09-16, 02:53 | |
| هههههههههههههههههههههههههههه لا بجد موضوع جميل ومميز بس اوعى تعمل زيه فى الاخر وتكسفنا محمود | |
|
Admin
المدير العام
عدد الرسائل : 588
العمر : 35
البلد : مصر(طنطا)
الاهتمام : الكومبيوتر -القراءة
المزاج : ماشى الحال
تاريخ التسجيل : 30/08/2007
معلومات الحظ
الرقم المفضل: 7
اللون المفضل: الازرق
اليوم المفضل: الخميس
| | موضوع: رد: اصحاب المنتديات لما بيروحوا يخطبوا 2007-09-16, 03:47 | |
| لا يا عم انا معقدش انى اصلا ممكن اخطب دا تبقى معجزة انى الاقى واحده تفهم دماغى اللى انا مش فاهمها اصلا وان شاء الله هيكون ابوها من اصحاب المنتديات عشان نفهم بعض نووووووووووووور | |
|
