مصر سنه 2057

موضوع: مصر سنه 2057 2007-09-03, 13:53

[color=yellow]اتخيل بعد خمسون عاما من مما نحن فية فى مصرنا

فى حوار بين الجدة وحفيدتها

الجدة : فين ايام زمان ايام ما كانت 100 جنية تفطر اسرة وتشترى فول وعيش و فين ايام الفن الراقى دانا و روبى وهيفا وهبى وبعرور كانت الاغنية حشمة وكنابنسمع بادب وكان الفنان من دول حشم ومش باين من الا 75 % من الجسم بس

الحفيدة : طيب ما انتلى يا ستى اديتينى 500 جنيه امبارح جبت بيهم كيلو سكروباكو شاى كمان وزاد خمسين جنيه جبت بيهم باكو لبان اما فنانين زمان دول ما ينفعوش فى زمانا ده لانهم كانوا يلبسوا هدوم ويكتفوا نفسهم انا مش عارفه ازاى الفنان يغنى وهو لابس هدوم حتى فى الحفلات كانت البنات تروح الحفاه وهى لابسه هدوم انا مش عارفه يا ستى كانوا طايقين ازاى

الجدة : كان على ايامنا عيب اوى الولد يجى عند البنت كانت البنت هى اللى بتروح ومش البيت كمان كان اخرنا اوى نتمشى على كوبرى عباس او البحر الاعظم

الحفيدة : ايامكم ياستى كان كلها تخلف كان الراجل يخطب وبعديها يكتب وبعديها يتجوز قمة التخلف يا ستى احنا دلوقتى فى عصر السرعة يعنى انا خلفت 3 عيال الاول وبعديها اتجوزت

وكانت زمان الشقق واسعةكانت الشقه 30 متر واللى ما عندوش شقه ما يتجوزش انتى يا ستى عشتى فى ايام الرخص

الجده:انا لما تجوزت جدك الله يرحمه جوازتى كلها ما تكلفتشى اكتر من 100 الف جنيه كل شئ كان فيه بركه حتى الرئيس زمان كان يحكم البلد 30 سته وكانت مصر هبة الحزب الوطنى وكان اللى يحب الريس واللى يكرهه يديله صوته لدرجة انه كان ينجح ب 99.9% والغريبه انه ما كانش حد يروح الانتخابات لكن الصناديق كان فيها بركه وسبحان الله ما كانش يروح الانتخابات 80 واحد وكان الريس ينجح ب 7ملايين صوت
الحفيده:::::كان زمان يا ستى وسائلكم كلها تخلف انترنت ودش ومحمول وكلها حاجات ما تنفعش فى جيلنا ده وكان اللى عايز واحد بعيد يركب السيارة والطيارة و يسافر وكل ده تخلف دلوقتى الصواريخ عامله عمايلها

انا امبارح كنت عند ولاد خلتى فى المريخ كلنا شوية ملوخية ملهومش حل

وقعدنا ساعه على القمر ونزلنا

اتمنى يكون الموضوع قد حاز اعجابكم ورضاكم

شكرا

[color:e011=yellow:e011]نور

موضوع: رد: مصر سنه 2057 2007-09-05, 03:17

والله عندك حق ممكن مصر تكون كده بعد خمسين سنه ويمكن اوحش كمان من كده بس هنعمل ايه بلدنا وبنحبها ولازم نستحملها

م/وسام

موضوع: رد: مصر سنه 2057 2007-09-05, 03:31

نحب مين يا عم انتا

ولا بلاش ليكون المنتدى متراقب ولا حاجه

على العموم شكرا لمرورك وردك

نوور

موضوع: رد: مصر سنه 2057 2007-09-05, 21:43

لا بجد تخيلو لو احنا بقينا كدة

يارب ارحمنا دا احنا هنشوف اياااااام

سودة وكحلى

موضوع حلو يا نور

تسلم كتباتك

المتر نــــــــــدا

موضوع: رد: مصر سنه 2057 2007-09-14, 23:54

شكرا ندى لمرورك وردك الجميل
ودايما منورة مواضيعى يا رب

موضوع: رد: مصر سنه 2057 2007-09-15, 04:10

لالا يا عم الموضوع دا بجد مش عاجبنى خليك متفاقل ديما انتا عارف لو ابو علاء سبنا بس يمكن حالنا تتصلح بس للاسف هوا حالف انو يخربها

موضوع: رد: مصر سنه 2057 2007-09-15, 21:07

هههههههههههههههههههه

تفاؤل ايه وبتاع مين

منتا اللى لسه قايل اهو

هيخربها

وبعدين يعنى هو لسه ماخربهاش

ماهو بيبدا اهو

وكفايه كلام فى السياسه

احنا كده مش هنقعد حتى الست اشهر دول

م/وسام

موضوع: رد: مصر سنه 2057 2007-09-16, 00:18

اده انتا كنت مع ابو علاء وهو بيخابورنى

بيه او من غيرة خرباااااااانه

شكرا

موضوع: رد: مصر سنه 2057 2007-09-16, 12:12

هههههههههههههههههههههههه

اه وعلى راى الشاعر :

"الدنيا خربانه

يا عم خربانه"

م/وسام